Limburgse Rabarbervlaai – Tesen Drencles Limburgek

foto 2

Lowena dhywgh, a bobel vas! An torn diwettha ni a wrug neppyth dhyworth Fryslân, gwlas teylu ow gwrek. Hedhyw my a wra tesen dhyworth Limburg (po Brabant Est), le may feuv vy megys. Vlaai yw hanow an tesen ma, ha appel-rabarbervlaai yn comparek, yw vlaai gans trencles hag aval. My a wrug keworra an aval awos bos trencles hag aval ow mos warbarth fest yn ta!

Nebes hirra yw an resayt an torn ma. Ytho, mars yw neppyth ancler, leverewgh va dhymm, mar pleg 🙂

Daffar:
rider
bowla
canna-tesen (27 cm po moy via delvresek, bes le yw possybyl ynwedh. An onan ujy genev vy yw 23 cm)

Devnydhyow:
Rag an compot-trencles:
600 gr trencles
600 gr avalow
100 gr sugra

Rag an toos:
20 gr burm
100 ml leth godom
200 gr bleus
myjen a holan
2 lo veur a sugra
30 gr manyn disellys
1 melyn oy

Rag an browyon:
110 gr sugra
100 gr manyn disellys
150 gr bleus
myjen a holan

Aral:
– whigennow

Dhe wul an compot-trencles:
– Diruskewgh an trencles ha’n avalow. Gwithewgh rusk an trencles, ha’ga kelmy warbarth gans rusken.
– Treghewgh an trencles ha’n avolow dhe dharnow.
– Kegewgh an trencles hag avalow gans an sugra ha gronn rusk an trencles rag deg mynysen (moy po le).
– Gasewgh dhe’n compot goyeynhe y’n rider ha kemerewgh an rusk anodho.
(Yth esa 800 gr aval ha trencles genev vy, ytho my a wrug gorra remenant an compot yn pott. Pur dha ywa yn yos kergh!)

(otta’va:

compote )

Dhe wul an toos:
– Tedhewgh an sugra ha’n burm y’n leth.
– Cabolewgh an bleus ha’n holan y’n bowla.
– Keworrewgh an manyn ha’y dreghy gans dhiw gollell.
– Gwrewgh ajwa yn kres an bleus ha gorra an leth gans an burm ha’n melyn oy ynny.
– Tosewgh a’n kres dhe doos gwedhyn. Whi a ell keworra moy a vleus, mars eus whans.
– Gasewgh an toos rag hanter our.

An canna-tesen:
– Blonekhewgh an canna-tesen gans manyn.
– Rolyegh dhe-ves an toos erna vo y dewder hanter cm.
– Gorrewgh an toos y’n canna-tesen ha gul tell ynno gans forgh.
– Kescarewgh gwiscas tanow a whigennow war an toos.
– Ragdommhewgh an forn dhe 180ºC

Dhe wul an browyon:
– Cabolewgh an devnydhyow sygh.
– Keworrewgh an manyn ha’y dreghy gans dhiw gollell.
– Tosewgh an manyn dres an bleus erna vo browyon.

Kescorra’n Vlaai:
– Gorrewgh an compot crodrys war an toos.
– Gorrewgh an browyon war henna. (Bydhewgh war nag yw gwiscas browyon re dew!)
– Pobewgh an tesen rag ± 25 mynysen, erna vo parys ha gormowrek.
– Gasewgh an tesen y’n canna rag pymp mynysen, yna kevewgh hi dhe-ves ha’y gorra dhe woyeynhe war gloos.

Otta ascorras agas whel cales! 😀

foto 1

Advertisements

2 thoughts on “Limburgse Rabarbervlaai – Tesen Drencles Limburgek

  1. Lowena dhis Linus! Pur dha yw y semlants, nebes kepar ha “apple crumble”. Fatel usy an hogen na ow tastya??

    Ny wrugavy cavos an blog ma kyns es whilas an ger “arenebedh” dre Google an jydh ma. (Govyn ahanav vy a wra dos dhiso jy a-dro dhe’n rol lyvronieth (usy war dha wiasva) kyns na pell.)

    oll an gwella

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s